بعد خبر توقيفه .. هذا ما قالته زوجة سعيد الماروق

Google+ Pinterest LinkedIn Tumblr +

بعد خبر توقيف المخرج اللبناني سعيد الماروق من قبل الانتربول الدولي أثناء تواجده في براغ، خرجت زوجته جيهان الماروق عن صمتها وكتبت على حسابها الخاص عبر فيسبوك التالي:

“انا جيهان الماروق زوجة المُخرج سعيد الماروق الفنان المُبدع المُحارب والايجابي دائما وصاحب مقولة (لو بعض من على الارض ملائكة ما استباحها الشياطين)
عنده دعوى عم يتابعها بلبنان… الانتربول انعمل بطريقة غير شرعية بإقامة نفس الدعوى ببلد اخر وحصلنا على قرار بسبق الادّعاء والتغى الانتربول …بس يبدو إنه في ناس ما عم تفهم انه سعيد ورآه بلد بحاله!!! وهالناس بدّمها الأذى والكره!!! لتحاول وتحاول بس كمان راح تكون النتيجة الفشل لانه ما يُبنى عالباطل فهو باطل..
المُدّعية اللي مش مُهم ذكِر إسمها للشهرة!!!ما عم تحضر لأسباب أمنية وإقامة جبرية في الإمارات كما عٌلِم (الله واعلم شو عاملة ).

اما الدّعوى ما زالت قائمة في لُبنان بلد المواطن اللبناني !!!! اللي لبنان وَحدُه بحاسبُه وببرأُه ومش مِتخبي ورآ إصبعُه
لبنان قادر يجيبه وراح بجيبه كلّنا ثقة بدّولتنا المستقلّة … وثقة بالمحامي سناء علم الدين والمحامية الدولّية ميرنا ملاّك والمحامي كامل صفا.

وسعيد راح يرجع ورافع راسُه ببلدُه …زوجي المُبدع سعيد الماروق لا ينكسّر من تحدّى أبشع حالات المرض من شجّع بعض الأقوياء لتحدّي السرطان هو بَطل !!!فكيف لا َينصُرُه الله على مرضى سرطان النفوس أفتخِر وأفتخِر وأفتخِر انا جيهان سعيد الماروق #سعيد_الماروق #كلنا_سعيد_الماروق #لبناني”.


إن التعليقات الواردة أدناه هي رأي خاص للمعلق وليس لـ"رصد نيوز" أي صلة بها
Share.